மாவட்ட ஆட்சித்தலைவர் திரு.ஷ்ரவன் குமார் , இஆப , அவர்கள் தலைமையில் மக்கள் குறைதீர்க்கும் நாள் கூட்டம் நடைபெற்றது

கள்ளக்குறிச்சி மாவட்டம் , மாவட்ட ஆட்சித்தலைவர் அலுவலக கூட்டரங்கில் , மாவட்ட ஆட்சித்தலைவர் திரு.ஷ்ரவன் குமார் , இஆப , அவர்கள் தலைமையில் மக்கள் குறைதீர்க்கும் நாள் கூட்டம்  ( 21.08.2023 ) நடைபெற்றது . 

இன்று நடைபெற்ற மக்கள் குறைதீர்க்கும் நாள் கூட்டத்தில் முதியோர் உதவித்தொகை , வீட்டுமனை பட்டாக் கோருதல் , விதவை உதவித்தொகை , சாலை வசதி , ஆதரவற்றோர் உதவித்தொகை , பாட்டா மாறுதல் , தொழில் தொடங்க கடனுதவி கோருதல் , ஏரி , குளம் தூர் வாருதல் , பிரதம மந்திரி வீடு கட்டும் திட்டம் , நில அளவை தொடர்பான மனுக்கள் , வேளாண் உழவர் நலத்துறை சார்ந்த திட்டம் மற்றும் காவல் துறை தொடர்பான மனுக்கள் உட்பட பல்வேறு கோரிக்கைள் அடங்கிய மனுக்கள் பெறப்பட்டன . மனுக்கள் தொடர்புடைய அலுவலர்களுக்கு அனுப்பப்பட்டு நடவடிக்கை மேற்கொள்ள மாவட்ட ஆட்சித்தலைவர் அவர்கள் அறிவுறுத்தினார் . 

முன்னதாக , மாற்றுத்திறனாளிகளிடம் பல்வேறு கோரிக்கை மனுக்கள் பெற்றுக்கொண்ட மாவட்ட ஆட்சித்தலைவர் அவர்கள் , அம்மனுக்கள் மீதான நடவடிக்கைகளை விரைந்து மேற்கொண்டு அதற்கான விவரங்களை மாற்றுத்திறனாளிகளுக்கு தெரிவித்திட அறிவுறுத்தினார் . 

பின்னர் , மாற்றுத்திறனாளி நலத்துறை சார்பில் 2 கால்கள் செயலிழந்த 1 மாற்றுத்திறனாளிக்கு ரூ .9 ஆயிரம் மதிப்பீட்டில் சக்கர நாற்காலியினையும் , பள்ளி கல்வித் துறை சார்பில் வருவாய் ஈட்டும் தாய் , தந்தை இழந்த 15 குழந்தைகளுக்கு தலா ரூ .75 ஆயிரம் வைப்புத்தொகைக்கான சான்றிதழினையும் , ஆதிதிராவிட நலத்துறை சார்பில் 1 பயனாளிக்கு தையல் இயந்திரத்தினையும் மாவட்ட ஆட்சித்தலைவர் அவர்கள் வழங்கினார் . 

இன்று நடைபெற்ற மக்கள் குறைதீர்க்கும் நாள் கூட்டத்தில் மாற்றுத்திறனாளிகளிடம் 29 மனுக்களும் , பொது மக்களிடம் 275 மனுக்களும் பெறப்பட்டன . 

இக்கூட்டத்தில் மாவட்ட வருவாய் அலுவலர் திரு.நா.சத்தியநாராயணன் , மாவட்ட ஆட்சியரின் நேர்முக உதவியாளர் ( பொது ) மரு.து.சுரேஷ் , வேளாண்மை இணை இயக்குநர் திரு.ச.கருணாநிதி , மாவட்ட ஆட்சியரின் நேர்முக உதவியாளர் ( வேளாண்மை ) திரு.ஆர்.விஜயராகவன் , மாவட்ட ஆதிதிராவிடர் நல அலுவலர் திரு.க.கவியரசு , மாவட்ட மாற்றுத்திறனாளி நல அலுவலர் திரு க.சுப்பிரமணி , அனைத்துத் துறை அலுவலர்கள் மற்றும் பொதுமக்கள் கலந்து கொண்டனர் .